LABO XL
Donostiako espazio eta hizkuntza eszeniko berrien jaialdia
2023ko azaroak 16-17-18-19
5. edizioa
Dantza / Antzerkia / Zirkoa
www.labo.eus
FB + IG: @labo.eus
I. LABO:
Espazio irekiak sortzeko helburuarekin sortzen da, mugimenduko arte garaikideen proposamenek eta haien sorkuntza-prozesuek aurkezteko leku bat izan dezaten. Hizkuntza eszeniko berriak espazio eszeniko berrietan, non ikusleek, sortzaileek, kultur eragileek eta erakundeek elkarri eskua ematen dioten. LABO hiru ziklotan banatzen da:
– LABO GO: Sorkuntza prozesuen erakusleihoa.
– LABO UDA: Udako programa.
– LABO XL: Urteko jaialdia.
II. LABO XL5:
Gure jaialdiak gorputza eta mugimendua sorkuntzaren ardatz nagusi gisa erabiltzen dituzten adierazpen artistikoetan jarrita du fokoa. 2019tik, LABO XLren 5 edizio egin ditugu, eta, guztira, 76 konpainia igaro dira bertatik. 69 ikuskizun baino gehiago ikusi ahal izan ditugu, baita mota guztietako topaketa porfesional paraleloak ere. LABO XL5, Donostiako espazio eta hizkuntza eszeniko berrien jaialdiaren bosgarren edizioa 2023ko azaroaren 16tik 19ra izan zen, ostegunetik igandera. Arte biziak ospatzeko 4 egun, dantzaz, antzerkiz eta zirku garaikideaz beteak, jarduera profesionalez gain.
Edizio honetan 19 ikuskizun, 2 hitzaldi, topaketa profesional bat eta mugimendu-tailer bat izen genituen programatuta, baita hainbat topagune eta jarduera paralelo ere. Gainera, inoiz baino gehiago, jaialdiak presentzia unibertsala du tokiko, nazioko eta nazioarteko proposamenekin. Euskal konpainiek eta euskarazko lanek Europako hainbat tokitako proposamenekin bat egin zuten, eta, gainera, emakume sortzaileen lana erakutzi ziguten eremu eszeniko guztietan: zuzendari, ekoizle edo teknikari gisa.
Antolatzaileak: NODE Kultur Elkartea, LABO.
Babesleak: Kutxa Fundazioa, Eusko Jaurlaritza, Gipuzkoako Foru Aldundia, Donostiako Udala / Donostia Kultura.
Laguntzaileak: Gipuzkoako Dantzagunea, Tabakalera, EKE, ADDE, Circula!, Festival DZM, SAREA, Atzegi, Noticias de Gipuzkoa, Noiz Agenda, A Room in The City, Drunkat, BSK Legal & Fiscal, Insalus, Dabadaba, Le Bukowski.
III. Zeruertza: aurtengo lema eta filosofia
Urte pandemikoaren eta haren erresakaren ondoren, zainduz eta indarrak hartuz, gure aurrean dugun etorkizunean murgiltzeko prest gaude. Zeruertz laranja eta distiratsu batean murgildu gaitezen, bere energia eta argia xurgatu, eta mundu dirdaitsu berri horren uretan igeri egin dezagun. Berpiztu gaitezen, berritu gaitezen. Afroditak Greziako itsasoetako aparretik jaio zenean egin zuen bezala, edizio honetako kartelak adierazten zuen bezala.
IV. Kartelaren protagonista
Kartelaren protagonista, eta beraz, inaugurazio egunean jaialdia ireki zuen artista, Ainhoa Usandizaga da. Artista hernaniarrak zuzeneko laguntza jaso zuen jaialdiaren lehen egunean estreinatu zuen «Bihar» piezaren sorkuntzarako. Gainera, Ainhoak egun batez modelo izatearen esperientzia bizi izan zuen kartel ofiziala eta jaialdiaren gainerako euskarri grafikoak sortzeko egin zen argazki saioan.
V. Bileratxoak:
5. edizio honetan «Bileratxoak» (Artistaren eta programatzailearen txokoa) ospatu genuen bigarren urtez jarraian. Topaketa hau azaroaren 17an, ostirala, ospatuko zen jaialdiaren programazio profesionalaren barruan. Jardunadi honetan, modu lasai eta seguruan, negozio-mahai irisgarriak eta hurbilak sortu ziren. Mahai bakoitzean konpainia bat eta programatzaile bat egon ziren, elkarrizketa eta komunikazioa zuzena, organikoa eta naturala izan dadin.
VI. Egonaldi artistikoak:
LABO GO jardunaldi bat eskaini zen jaialdiaren barne, artisten sorkuntza prozesuei ateak irekiz. Programazioan presentzia izatea nahi genuen eta, horrela, LABO GOk urteko gainerako egunetan eskaintzen duena erakutsi.
Lehenengoa, bigarren urtez jarraian Circula! plataformarekin elkarlanean egindako lanaren emaitza izan zen. ADDErekin (Euskal Herriko Dantza Profesionalen Elkartea) batera, gure lehen egoitza artistikoa eman genuen. Rebeca Carrera andaluziarraren «Señora» proiektua hautatu genuen eta Gipuzkoako Dantzagunearen lankidetzari esker euren espazioetan lan egingo du. Hau izan zen eskainitako lehen erakuskaldia.
Bigarrena, Gipuzkoako Dantzaguneari esker, Cruceiros Paraisok jaialdian parte hartu zuen lehen aldiz. Honi esker, Galiziako komunitateak loturak eta zubiak egin ditzazkete kanpoko beste eragile batzuekin. Eva Comesaña artista galiziarra izan genuen Gipuzkoako Dantzagunean lanean eta bera izan zen bigarren erakustaldiaren protagonista.
VII. Sareak:
LABO XLren ezaugarria beste kultura-erakunde batzuekin zubiak sortzeko duen gaitasuna da, eta, horrela, gure panorama aberasten du bere emaitzekin.
– Kutxa Fundazioa: LABO ez litzateke posible izango Kutxa Kulturren baldintzarik gabeko laguntzarik gabe. Kutxaren kultur-egoitzak hasieratik lagundu du proiektu hau, eta LABO bisitatzen duten artista guztiak igarotzen diren etxea da, LABO GO eta UDA jardunaldi guztiak hartzeaz gain.
– SAREA: Euskadiko Antzoki Sareak lehen aldiz parte hartu zuen jaialdian jardunaldi profesionaletako bitan: Bileratxoak babesten eta euskal dantzaren zirkuituari buruzko hitzaldi bat eskainiz.
– Gipuzkoako Dantzagunea: Bi ekintza ildo lantzen ditugu Gipuzkoako dantzaren etxearekin. Sorkuntza-prozesuei laguntzea eta horiek jaialdian erakustea, eta jardunaldi profesionalen barruan egiten den ponentzia kudeatzea. Lankidetza honei esker, Javier Mosquera izan genuen gure artean.
– EKE (Euskal Kultur Erakundea): Jaialdiak EKErekin kolaboratu zuen lehen aldiz. EKEren helburua euskal kultura babestea da eta elkartze honek Bilaka eta Traversée Dantza Konpainia jaialdian izatea ahalbidetu zuen.
– Festival DZM (Caceres): Hirugarren urtez jarraian, Caceresko DZM dantza jaialdiko «Elkarrizketa garaikideak plataformaren» epaimahaikide gara. Sari gisa, aukeratutako piezak gure jaialdian programatzen dira. Ana Cotoré eta Collectif Tröika etorri ziren bisitan.
– Atzegi: Desgaitasun intelektuala duten pertsonen aldeko Gipuzkoako elkartearekin elkarlanean aritu ginen ere. Elkarteko kideek jaialdiaren ekoizpen lanetan laguntzen dute, programazioaz gozatzeaz gain.
VIII. Aurreko edizioak:
– LABO XL4: https://vimeo.com/868230085
– LABO XL3: https://vimeo.com/868232926
– LABO XL2: https://vimeo.com/477925834
– LABO XL1: https://vimeo.com/375362298
IX. Erronka garbia
Erronka Garbia Ihobek, Eusko Jaurlaritzaren Ingurumen Jarduketarako Sozietate Publikoak, emandako ziurtagiria da, eta haren diseinuan eta antolaketan ingurumen-neurriak integratzen dituzten ekitaldiak aintzatesten ditu, ingurumenean izan ditzakeen eragin negatiboak minimizatzeko.
Nazio Batuen Ingurumenerako Programaren arabera, ekitaldi jasangarria da ingurumenean izan ditzakeen eragin negatiboak diseinatu, antolatu eta minimizatu dituena, eta erakunde antolatzaileentzat eta tartean dauden eragileentzat legatu positiboa utzi duena.
Ekitaldi horiek diseinuan eta antolaketan ingurumen-neurriak barne hartzen dituztela ziurtatzeko, Ihobe sozietate publikoak Erronka Garbia metodologia garatu du, ekitaldiek ingurumenean eragiten dituzten inpaktu negatiboak minimizatzeko aukera ematen duen prozedura.
Metodologia hori aplikatzearen eta, ondoren, Erronka Garbia-Ekitaldi Jasangarria ziurtagiriaren bidez aitortzearen helburua da ekitaldian parte hartzen duten pertsonak eta erakunde antolatzaileak kontzientziatzea ekitaldi jendetsuen garapenari lotutako eragin negatiboak arintzeko beharraz.
